ஆண்களுக்கு தைராய்டின் ஆபத்தான அறிகுறிகள்

ஆண்களுக்கு ஏற்படும் தைராய்டு பாதிப்பை அறிந்து கொள்வது மிகவும் கடினம், அதாவது, இதன் அறிகுறிகள் வெளியில் தெரிவதற்கு சில மாதங்கள் அல்லது சில ஆண்டுகள் ஆகலாம். தைராய்டு சுரப்பி , போதுமான அளவு தைராய்டு ஹார்மோன்(தைராக்ஸின் மற்றும் ட்ரியோடோதைரோனைன்)  உற்பத்தி செய்யாமல் இருப்பது , அல்லது தைராய்ட்டை ஊக்குவிக்கும் ஹார்மோன்களில் மாற்றம் ஏற்படுவது ஆகியவற்றின் காரணமாக ஆண்களுக்கு தைராய்டு பாதிப்பு ஏற்படலாம்.

இதன் பொதுவான அறிகுறிகள் குறித்து இப்போது தெரிந்து கொள்வோம்.

பசியுணர்வு குறைவது, உடல் எடை குறைவது , முடி இழப்பு, சோர்வு, போன்றவை இதன் பொதுவான அறிகுறிகள் ஆகும். ஆண்களுக்கு பொதுவாக இந்த அறிகுறிகள் சில மாதங்கள் கழித்தே தென்படும்.

ஆண்களுக்கு ஏற்படும் ஹைப்போ தைராயடிசம் குறித்த முன்கூட்டிய அறிகுறிகள் பற்றி இப்போது காணலாம்..

 . கண்டமாலை (கழுத்து மற்றும் அதனை சுற்றியுள்ள பகுதிகளில் வீக்கம்)
 . தசை ஹைப்போடோனியா (தசை சீரழிவு )
 . அதிக எடை 
 . மூட்டுகளில் வலி
 . தசை வலி
 . மலச்சிக்கல்
 . இதயத் துடிப்பு குறைவது
 . தலை முடி உதிர்வு
 . தலை முடி மெலிதாவது
 
குறித்த நேரத்தில் தைராய்டு பாதிப்பிற்கு சிகிச்சை அளிக்கப்படாவிட்டால், சில விபரீத விளைவுகள் ஏற்படலாம். தைராய்டு குறைபாட்டின் தாமத அறிகுறிகள் இதோ உங்களுக்காக..
 
 . அடிக்கடி உடல் வெப்ப நிலையில் குறைபாடு
 . குரல் கம்முவது 
 . சருமத்தில் வறட்சி, தோல் உரிவது போன்றவை..
 
ஆண்களுக்கு உண்டாகும் செகண்டரி தைராய்டு சுரப்பு குறைப்பாடு:  

TSH என்னும் தைராய்டு ஊக்குவிக்கும் ஹார்மோன் குறைவாக சுரக்கப்படும்போது உண்டாகும் நிலை செகண்டரி ஹைப்போ தைராய்டிசம். தூங்கும் நிலையில் மாறுபாடு, மணிக்கட்டு சுருங்கை நோய்த்தொகை போன்றவை செகண்டரி தைராய்டு சுரப்பு குறைபாட்டின் அறிகுறியாகும்.

தைராய்டு பாதிப்பின் இதர அறிகுறிகள் பற்றி இப்போது அறிந்து கொள்வோம்..

 . அதிகரித்த வியர்வை
 . ஓய்வில்லாமை
 . பசியுணர்வில் மாற்றம்
 . சோர்வு
 . வெப்ப சகிப்புத்தன்மை அற்ற நிலை
 . விவரிக்க முடியாத எடை இழப்பு
 . கவனிப்பதில் சிரமம்
 . குமட்டல்
 . முடி இழப்பு
 . ஈரமுள்ள சருமம்
 . கை நடுக்கம்
 . வயிற்றுப்போக்கு
 . பொதுவான பலவீனம்
 
கழுத்து பகுதியில் வீக்கம் உண்டாவது தைராய்டு சுரப்பு குறைபாட்டின் நிலையான அறிகுறியாகும்.  இதனை கண்டமாலை என்று கூறுவர். கழுத்து பகுதியில் கடினமான முடிச்சுகள் அல்லது கட்டிகள்(நொதில்கள்) தோன்றி , அந்தப் பகுதி பெரியதாக தோற்றமளிக்கலாம்.

ஆண்களுக்கு தைராய்டு நொதில்கள் ஏற்படுவதற்கான பொதுவான அறிகுறி :
 
கழுத்து பகுதியில் தோன்றும் இந்த கட்டிகள் புற்று நோய்க் கட்டியாகவும் இருக்கலாம், இல்லாமலும் இருக்கலாம். தைராய்டு வளர்ச்சி என்பது தைராய்டு நொதில் உண்டாவதற்கான அறிகுறியாகும். இவை புற்று நோய்க் கட்டியாக மாறும் வாய்ப்பு உள்ளதால், தைராய்டு அறுவை சிகிச்சை செய்து அதனை அகற்ற வேண்டும்.
 
தைராய்டு ஹார்மோன் அதிகமாக அல்லது குறைவாக சுரப்பதற்கான அறிகுறிகளை அறிந்து கொள்வது தொடக்கத்தில் சிரமமாக இருக்கலாம். வயதான ஆண்களுக்கு இந்த அறிகுறிகளைக் கண்டறிவது மிகவும் கடினம். குறிப்பாக, எடை இழப்பு மற்றும் மனச்சோர்வு இதன் அறிகுறியாக இருக்கும். அதே சமயம், பெரும்பாலான மருத்துவ நிலைக்கு இந்த அறிகுறிகள் பொருந்தும்.

உண்மையில், ஆண்களுக்கு தைராய்டு பாதிப்பு உண்டாகும் வாய்ப்பு மிகவும் குறைவு. இருந்தாலும் அதன் அறிகுறிகள் பற்றி தெரிந்து வைத்துக் கொள்வதால், ஒருவேளை இந்த பாதிப்பு ஏற்பட்டால், அதனை முன்னேற்ற விடாமல் தடுக்க முடியும். மேலே கூறிய அறிகுறிகள் தென்பட்டால், உடனடியாக மருத்துவரை அணுகுவது அவசியம்.