ஆடைகளில் பேனா மை கறையை போக்குவது எப்படி

உங்களுக்கு பிடித்தமான சட்டையில் பேனா மை கறை ஒழுகி விட்டால் பின்பு அந்த சட்டையை போடமுடியாமல் போய்விடும். காரணம் பொதுவாக அந்த கரையை நீக்க முடியாமல் இருப்பது தான். ஆனால் அந்த பேனா கறையை நொடியில் நீக்க முடியும் என்று கூறினால் உங்களால் நம்ப முடியுமா? ஆமாம், நம்பித்தான் ஆக வேண்டும். இதற்கான சில தீர்வுகள் உள்ளது. அதனை நீங்களே முயற்சித்து பாருங்கள்.

பால்பாயின்ட் பேனா மை கறை :
பால் பாயின்ட் பேனா மை கறையைப் போக்க, முதலில் கறை படிந்த சட்டையை ஒரு சுத்தமான காய்ந்த சிறிய துணி மேல் வைக்க வேண்டும். பிறகு ஆல்கஹாலை எடுத்து அந்த சட்டையில் ஊற்றி தேய்க்க வேண்டும். 
பிறகு காய்ந்த துணியால் நன்றாக தேய்க்கவும். அந்த கறை மறையும் வரை இப்படி தேய்க்கவும். பிறகு அந்த ஆடையை நன்றாக துவைக்கவும். பிறகு அந்த சட்டையில் மிதமான அளவு டிடர்ஜென்ட் பயன்படுத்தி அந்த கரையில் தேய்த்து 5 நிமிடம் ஊற விடவும். பின்பு ஆடையின் தன்மைக்கு ஏற்ற விதத்தில் வெதுவெதுப்பான நீரில் அலசி காய வைக்கவும்.

ஆல்கஹாலை தேய்ப்பதால் பலன் இல்லாமல் போனால், நக பாலிஷ் ரிமூவரை பயன்படுத்தலாம். அல்லது ஹேர் ஸ்ப்ரே, டூத்பேஸ்ட், அல்லது ஹேன்டு சனிடைசர் போன்றவற்றையும் பயன்படுத்தலாம். ஆல்கஹால் பயன்படுத்தாமல் மேலே கூறியவற்றை பயன்படுத்தி கறையை போக்க விரும்பினால் வேலை முடிந்தவுடன் ஆடையை முழுவதும் நல்ல தண்ணீரில் அலசி எடுக்கவும். காயும் முன், கறை முழுவதும் நீங்கி விட்டதை உறுதி செய்து கொள்ளவும். ஒருவேளை கறை போகவில்லை என்றால் மீண்டும் முயற்சிக்கவும். மேலே கூறிய ரசாயனப் பொருட்களைத் தவிர்த்து, வெள்ளை வினிகர் மற்றும் பால் கூட கறையை போக்க உதவும்.

பால் பாயின்ட் மை கறையைப் போக்க உதவும் வெள்ளை வினிகர்:
கறையில் வெள்ளை வினிகரை ஊற்றவும். வெள்ளை வினிகர் மற்றும் சோளமாவு பயன்படுத்தி ஒரு பேஸ்ட் தயாரித்துக் கொள்ளவும். இந்த பேஸ்டை கறை உள்ள இடத்தில் தடவவும். சில மணி நேரம் ஊறியவுடன் அந்த துணியை வாஷிங் மெஷினில் போட்டு துவைக்கவும்.

பால் பாயின்ட் மை கறையைப் போக்க உதவும் பால் :
ஒரு கிண்ணத்தில் பாலை நிரப்பிக் கொள்ளவும். கறை பட்ட ஆடையை ஒரு இரவு முழுவதும் பாலில் ஊற வைக்கவும். பின்பு மறுநாள் அந்த ஆடையை துவைத்து விடவும். கறை முழுவதும் நீங்கி இருப்பதை உங்களால் காண முடியும்.

தண்ணீர் சார்ந்த மை கறை:
ஒரு சுத்தமான காய்ந்த துணி மேல் கறை பட்ட ஆடையை வைத்துக் கொள்ளவும். கறை உள்ள இடத்தில தண்ணீர் ஊற்றவும். பிறகு காய்ந்த துணியால் அந்த இடத்தை தேய்க்கவும். இதனால் ஆடையில் உள்ள கறை இந்த துணிக்கு மாறும். கடைசியாக டிடர்ஜென்ட் பயன்படுத்தி ஆடையை 5 நிமிடம் ஊற வைக்கவும். ஆடைக்கு பரிந்துரைக்கப்பட்ட வெப்பநிலையில் அதனை அலசவும். ஆடையை காய வைப்பதற்கு முன்னர் கறை முழுவதும் நீக்கப்பட்டுள்ளதா என்பதை தெரிந்து கொள்ளுங்கள். திட்டு திட்டாக கறை தென்பட்டால் மறுபடி இதனை முயற்சிக்கவும்.